12
ноября 2025
30 октября 2025 года на заседании Священного Синода были утверждены к общецерковному богослужебному употреблению тексты тропаря, кондака и молитвы священномученику Василию Сокольскому, пресвитеру Петроградскому (журнал № 103).
Священномученик Василий служил в нескольких храмах епархии:
Владимирском в Кронштадте (1917-1922),
Благовещения на Васильевском острове (1922-1923),
Спаса Преображения Господня на Аптекарском острове (1926-1929),
апостола и евангелиста Матфея (1932),
Афонской (Ватопедской) иконы Божией Матери Новодевичьего монастыря (1932-1935).
+++
МЕСЯЦА АВГУСТА В 28-Й ДЕНЬ
СВЯТОГО СВЯЩЕННОМУЧЕНИКА ВАСИЛИЯ СОКОЛЬСКОГО,
ПРЕСВИТЕРА ПЕТРОГРАДСКОГО
Тропарь, глас 4:
Града святаго Петра пастыря добраго,/ Православныя Церкве поборника и лжеучителей нечестивых обличителя,/ верность Христу даже до крове сохраньшаго,/ восхвалим, вернии, священномученика Василия/ и к нему усердно с любовию возопиим:/ сохраняй нас молитвами твоими от всякаго зла,// страдальче предивне.
Кондак, глас тойже:
Страдальческим путем потек,/ священномучениче Василие достохвальне:/ лжепастыри льстивыя обличил еси/ и мучители безбожныя посрамил еси./ Правду же Христову страданием уверив,/ в Небесных чертозех ныне водворяешися,// и молишися о душах наших.
Молитва
О святый славный священномучениче Василие! Ты, измлада во благочестии воспитанный, священства дар достойно восприял еси и попечение о пастве, вверенней тебе, имея, в вертограде духовнем труды изрядныя понесл еси. Егда же гонение наста на Церковь Русскую, ты, святче Божий, мучителева прещения не убоялся еси и во граде святаго Петра усердный соработник священномученику Вениамину был еси, льстивыя обычаи, лжепастырьми вводимыя, обличил еси и паству в правей вере утвердил еси. Страдания в темницах и изгнаниих кротко претерпевая, мученический венец от Христа приял еси. Ныне же во Царствии Небеснем со Ангелы и всеми святыми ликовствуеши.
Сего ради мы, недостойная чада твоя, пред святым образом твоим предстояще, умиленно взываем ти: испроси у Господа пастырем ревность о спасении пасомых, неправедно гонимым заступление, сирым защищение, скорбящим утешение, болящим здравие, юным наставление, старым укрепление, нам же всем мужества дарование, во еже в вере православней твердо стояти и заповеди Божия благочестно исполняти.
Ей, угодниче Божий! Умоли Всеблагаго Бога предстательством твоим даровати Церкви Святей любовь и единение, державе же нашей мир и благоденствие, да непрестанно прославляем неизреченное человеколюбие Отца и Сына и Святаго Духа во веки веков. Аминь.
Священномученик Василий служил в нескольких храмах епархии:
Владимирском в Кронштадте (1917-1922),
Благовещения на Васильевском острове (1922-1923),
Спаса Преображения Господня на Аптекарском острове (1926-1929),
апостола и евангелиста Матфея (1932),
Афонской (Ватопедской) иконы Божией Матери Новодевичьего монастыря (1932-1935).
+++
МЕСЯЦА АВГУСТА В 28-Й ДЕНЬ
СВЯТОГО СВЯЩЕННОМУЧЕНИКА ВАСИЛИЯ СОКОЛЬСКОГО,
ПРЕСВИТЕРА ПЕТРОГРАДСКОГО
Тропарь, глас 4:
Града святаго Петра пастыря добраго,/ Православныя Церкве поборника и лжеучителей нечестивых обличителя,/ верность Христу даже до крове сохраньшаго,/ восхвалим, вернии, священномученика Василия/ и к нему усердно с любовию возопиим:/ сохраняй нас молитвами твоими от всякаго зла,// страдальче предивне.
Кондак, глас тойже:
Страдальческим путем потек,/ священномучениче Василие достохвальне:/ лжепастыри льстивыя обличил еси/ и мучители безбожныя посрамил еси./ Правду же Христову страданием уверив,/ в Небесных чертозех ныне водворяешися,// и молишися о душах наших.
Молитва
О святый славный священномучениче Василие! Ты, измлада во благочестии воспитанный, священства дар достойно восприял еси и попечение о пастве, вверенней тебе, имея, в вертограде духовнем труды изрядныя понесл еси. Егда же гонение наста на Церковь Русскую, ты, святче Божий, мучителева прещения не убоялся еси и во граде святаго Петра усердный соработник священномученику Вениамину был еси, льстивыя обычаи, лжепастырьми вводимыя, обличил еси и паству в правей вере утвердил еси. Страдания в темницах и изгнаниих кротко претерпевая, мученический венец от Христа приял еси. Ныне же во Царствии Небеснем со Ангелы и всеми святыми ликовствуеши.
Сего ради мы, недостойная чада твоя, пред святым образом твоим предстояще, умиленно взываем ти: испроси у Господа пастырем ревность о спасении пасомых, неправедно гонимым заступление, сирым защищение, скорбящим утешение, болящим здравие, юным наставление, старым укрепление, нам же всем мужества дарование, во еже в вере православней твердо стояти и заповеди Божия благочестно исполняти.
Ей, угодниче Божий! Умоли Всеблагаго Бога предстательством твоим даровати Церкви Святей любовь и единение, державе же нашей мир и благоденствие, да непрестанно прославляем неизреченное человеколюбие Отца и Сына и Святаго Духа во веки веков. Аминь.
