Если на этой странице и в файле MS Word 97/2000 вместо знака ударения у вас отображается запятая, то необходимо установить в систему шрифт "Bwgrkl"
Диакон: Благослови, владыко.
Священник: Слава Святей, и Единосущней, и Животворящей, и Нераздельней Троице, всегда, ныне и присно и во веки веков.
Хор: Аминь.
Христос воскресе из мертвых, смертию смерть поправ, и сущим во гробех живот даровав (трижды).
Диакон: Бог Господь и явися нам, благословен Грядый во имя Господне. Глас 4-й.
Стих: Исповедайтеся Господеви, яко благ, яко в век милость Его.
Стих: Обышедше обыдоша мя , и именем Господним противляхся им.
Стих: Не умру, но жив буду, и повем дела Господня.
Стих: Камень, егоже небрегоша зиждущии, сей бысть во главу угла, от Господа бысть сей, и есть дивен во очесех наших.
Тропарь, глас 4-й:
Днесь светло красу,ется град свята,го Петра,,/ я,ко наста, честна,го торжества, пресла,вный день,/ в о,нь же лю,дие христоимени,тии славосло,вят Бо,га Вседержи,теля,/ на брега,х Невы, опло,т держа,вы Росси,йския утверди,вшаго,/и воспева,ют Засту,пницу усе,рдную ро,да христиа,нскаго,/ доны,не сто,льный град се,верный в ми,ре и благоде,нствии сохраня,ющую,/ велича,ют же и покрови,теля своего,/ свята,го благове,рнаго вели,каго кня,зя Алекса,ндра Не,вскаго,/ моли,твы ко Пресвяте,й Тро,ице вознося,щаго,/ да поми,лует Госпо,дь и на бу,дущия времена, лю,ди своя,,/ и покры,ет град сей благода,тию Свое,ю, я,ко милосе,рд.
Слава: тропарь, глас 4-й:
Благода,рни су,ще недосто,йнии раби, Твои,, Го,споди,/ о Твои,х вели,ких благодея,ниих на нас бы,вших,/ сла,вяще Тя хва,лим, благослови,м, благодари,м, пое,м и велича,ем Твое, благоутро,бие,/ и ра,бски любо,вию вопие,м Ти:/ Благоде,телю Спа,се наш, сла,ва Тебе,.
и Ныне: тропарь, глас 4-й:
Засту,пнице усе,рдная, / Ма,ти Го,спода Вы,шняго, / за всех мо,лиши Сы,на Твоего, Христа, Бо,га на,шего, / и всем твори,ши спасти,ся, в держа,вный Твой покро,в прибега,ющим. / Всех нас заступи,, о, Госпоже,, Цари,це и Влады,чице, / и,же в напа,стех, и в ско,рбех, и в боле,знех обремене,нных грехи, мно,гими,/ предстоя,щих и моля,щихся Тебе, умиле,нною душе,ю и сокруше,нным се,рдцем/ пред Пречи,стым Твои,м о,бразом со слеза,ми,/ и невозвра,тно наде,жду иму,щих на Тя/ избавле,ние всех зол,/ всем поле,зная да,руй / и вся спаси,, Богоро,дице Де,во: / Ты бо еси, Боже,ственный покро,в рабо,м Твои,м.
Диакон: Вонмем.
Священник: Мир всем.
Чтец: И духови твоему.
Диакон: Премудрость, вонмем.
Чтец: Прокимен, глас 4-й: Сей день, егоже сотвори Господь,/ возрадуемся и возвеселимся в онь.
Хор: Сей день, егоже сотвори Господь,/ возрадуемся и возвеселимся в онь.
Чтец: Исповедайтеся Господеви, яко благ, яко в век милость Его.
Хор: Сей день, егоже сотвори Господь,/ возрадуемся и возвеселимся в онь.
Чтец: Сей день, егоже сотвори Господь.
Хор: Возрадуемся и возвеселимся в онь.
Диакон: Премудрость.
Чтец: К Тимофею послания святаго апостола Павла чтение.
Диакон: Вонмем.
Чтец: зачало 282:
БРАТИЕ, МОЛЮ ПРЕЖДЕ ВСЕХ, ТВОРИТИ МОЛИТВЫ, МОЛЕНИЯ, ПРОШЕНИЯ, БЛАГОДАРЕНИЯ ЗА ВСЯ ЧЕЛОВЕКИ: ЗА ЦАРЯ, И ЗА ВСЕХ, ИЖЕ ВО ВЛАСТИ СУТЬ: ДА ТИХОЕ И БЕЗМОЛВНОЕ ЖИТИЕ ПОЖИВЕМ ВО ВСЯКОМ БЛАГОЧЕСТИИ И ЧИСТОТЕ. СИЕ БО ДОБРО И ПРИЯТНО ПРЕД СПАСИТЕЛЕМ НАШИМ БОГОМ, ИЖЕ ВСЕМ ЧЕЛОВЕКОМ ХОЩЕТ СПАСТИСЯ, И В РАЗУМ ИСТИНЫ ПРИИТИ. ЕДИН БО ЕСТЬ БОГ, И ЕДИН ХОДАТАЙ БОГА И ЧЕЛОВЕКОВ, ЧЕЛОВЕК ХРИСТОС ИИСУС, ДАВЫЙ СЕБЕ ИЗБАВЛЕНИЕ ЗА ВСЕХ: ЕМУЖЕ ЧЕСТЬ И СЛАВА ВО ВЕКИ ВЕКОВ, АМИНЬ.
Священник: Мир ти.
Чтец: И духови твоему.
Диакон: Премудрость.
Чтец: Аллилуиа, аллилуиа, аллилуиа.
Хор: Аллилуиа, аллилуиа, аллилуиа.
Чтец: Прииди,те, возра,дуемся Го,сподеви, воскли,кнем Бо,гу Спаси,телю нашему.
Хор: Аллилуиа, аллилуиа, аллилуиа.
Чтец: Предвари,м лице, Его во испове,дании, и во псалме,х воскли,кнем Ему.
Хор: Аллилуиа, аллилуиа, аллилуиа.
Диакон: Премудрость, прости услышим святаго Евангелиа.
Священник: Мир всем.
Хор: И духови твоему.
Священник: От Иоанна святаго Евангелиа чтение.
Хор: Слава Тебе, Господи, слава Тебе.
Диакон: Вонмем.
Священник: зачало 51-е от Иоанна.
РЕЧЕ ГОСПОДЬ СВОИМ УЧЕНИКОМ: ЯКОЖЕ ВОЗЛЮБИ МЯ ОТЕЦ, И АЗ ВОЗЛЮБИХ ВАС. БУДИТЕ В ЛЮБВИ МОЕЙ. АЩЕ ЗАПОВЕДИ МОЯ СОБЛЮДЕТЕ, ПРЕБУДЕТЕ В ЛЮБВИ МОЕЙ: ЯКОЖЕ АЗ ЗАПОВЕДИ ОТЦА МОЕГО СОБЛЮДОХ, И ПРЕБЫВАЮ В ЕГО ЛЮБВИ. СИЯ ГЛАГОЛАХ ВАМ, ДА РАДОСТЬ МОЯ В ВАС БУДЕТ, И РАДОСТЬ ВАША ИСПОЛНИТСЯ. СИЯ ЕСТЬ ЗАПОВЕДЬ МОЯ, ДА ЛЮБИТЕ ДРУГ ДРУГА, ЯКОЖЕ ВОЗЛЮБИХ ВЫ. БОЛЬШИ СЕЯ ЛЮБВЕ НИКТОЖЕ ИМАТЬ, ДА КТО ДУШУ СВОЮ ПОЛОЖИТ ЗА ДРУГИ СВОЯ. ВЫ ДРУЗИ МОИ ЕСТЕ, АЩЕ ТВОРИТЕ ЕЛИКА АЗ ЗАПОВЕДАЮ ВАМ. НЕ КТОМУ ВАС ГЛАГОЛЮ РАБЫ: ЯКО РАБ НЕ ВЕСТЬ, ЧТО ТВОРИТ ГОСПОДЬ ЕГО: ВАС ЖЕ РЕКОХ ДРУГИ, ЯКО ВСЯ ЯЖЕ СЛЫШАХ ОТ ОТЦА МОЕГО, СКАЗАХ ВАМ. НЕ ВЫ МЕНЕ ИЗБРАСТЕ, НО АЗ ИЗБРАХ ВАС, И ПОЛОЖИХ: ДА ВЫ ИДЕТЕ, И ПЛОД ПРИНЕСЕТЕ, И ПЛОД ВАШ ПРЕБУДЕТ: ДА ЕГОЖЕ АЩЕ ПРОСИТЕ ОТ ОТЦА ВО ИМЯ МОЕ, ДАСТ ВАМ.
Хор: Слава Тебе, Господи, слава Тебе.
Диакон: Рцем вси,от всея души, и от всего помышления нашего рцем.
Хор: Господи, помилуй.
Диакон: Господи Вседержителю, Боже отец наших, молим Ти ся, услыши и помилуй.
Хор: Господи, помилуй.
Диакон: Помилуй нас, Боже, по велицей милости Твоей, молим Ти ся, услыши и помилуй.
Хор: Господи, помилуй (трижды).
Диакон: Еще молимся о Великом Господине и отце нашем Святейшем Патриарсе Алексии, и о Господине нашем Высокопреосвященнейшем митрополите Владимире и всей во Христе братии нашей.
Хор: Господи, помилуй (трижды).
Диакон: Еще молимся о богохранимей стране нашей, властех и воинстве ея, да тихое и безмолвное житие поживем во всяком благочестии и чистоте.
Хор: Господи, помилуй (трижды).
Диакон: Еще молимся Господу, Богу нашему, о еже сохранити град сей во вся,цем благоде,нствии, ми,ром огради,ти его и на бу,дущая времена, пребы,ти ему благоукраше,нным во славу Отечества нашего, прилежно молим Ти ся Всещедрый Господи, услыши и помилуй.
Хор: Господи, помилуй (трижды).
Диакон: Благодаряще со страхом и трепетом, яко раби непотребнии Твоему благоутробию, Спасе и Владыко наш Господи, о Твоих благодеяниих, яже излиял еси обильно на град сей и живущих в нем, и припадаем, и славословие Тебе, яко Богу приносим, и умиленно вопием: избави от всех бед град сей и живущих в нем, и всегда яко милостив исполни во благих желание всех нас, прилежно молимся Ти, услыши и помилуй.
Хор: Господи, помилуй (трижды).
Диакон: Якоже ныне милостивно услышал еси молитвы рабов Твоих Господи, и явил еси на граде сем и живущих в нем благоутробие человеколюбия Твоего, сице и в предняя не презирая, исполни во славу Твою вся благая хотение верных Твоих, и яви всем нам богатую милость Твою, вся нам согрешения презирая, молимся Ти, услыши, и помилуй.
Хор: Господи, помилуй (трижды).
Диакон: Благоприятно, яко кадило благовонное и яко тучная всесожжения, да будет, всеблагий Владыко, благодарение сие наше пред величеством славы Твоея, и низпосли всегда яко щедр граду сему и живущим в нем богатыя милости и щедроты Твоя, и от всех сопротивлений видимых и невидимых врагов, Церковь Твою святую и град сей избави, людем же Твоим всем безгрешное со здравием долгоденствие, и во всех добродетелех преспе,яние даруй, молимтися всещедрый Царю, милостивно услыши, и скоро помилуй.
Хор: Господи, помилуй (трижды).
Диакон: Еще молимся за всю братию и за вся христианы.
Хор: Господи, помилуй (трижды).
Священник: Услыши ны, Боже, Спасителю наш, упование всех концев земли и сущих в мори далече: и милостив, милостив буди, Владыко, о гресех наших и помилуй ны. Милостив бо и человеколюбец Бог еси, и Тебе славу возсылаем, Отцу и Сыну и Святому Духу, ныне и присно и во веки веков.
Хор: Аминь.
Диакон: Господу помолимся.
Хор: Господи, помилуй.
Священник:
О всеми,лостивый и великодарови,тый Бо,же, утверди,вый во,лею Твое,ю на ме,сте сем сла,вный град свята,го Петра,! При,зри с высоты, святы,я Твоея, на предстоя,щия лю,ди Твоя, и приими, благодаре,ние на,ше о Твои,х вели,ких благодея,ниих, я,же сотвори,л еси, в ле,та дре,вняя со отцы, на,шими! Услы,ши нас, прославля,ющих и,мя Твое, свято,е, я,ко благоволи,л еси устро,ити сто,льный град се,верный, его,же ныне зрим благоле,пием украше,нный. Вонми, гла,су моле,ния ве,рных чад Твои,х, славосло,вие вели,честву Твоему, возсыла,ющих о утвержде,нии в века,х сла,внаго сего, творе,ния наро,да на,шего, и,мже держа,ва Росси,йская доны,не красу,ется и велича,ется. Посети, нас ми,лостию и щедро,тами Твоими, яко и на бу,дущия времена пожи,ти нам зде во всяком благочестии и чистоте; утверди град сей молитвами и предста,тельством сла,вныя Влады,чицы нашея Богородицы и Приснодевы Марии; сохрани его в мире и благополучии предстательством и молитвами святых его покровителей: благовернаго великаго князя Александра Невскаго, блаженныя матере нашея Ксении, праведнаго отца нашего Иоанна Кронштадтскаго, священномученика Вениамина, митрополита Петроградского и всех угодников Твоих, в земле нашей просиявших, яко да поживше в веце сем по заповедем Твоим, в вечный покой достигнем. Тебе бо славу, благодарение и поклонение возсылаем, Отцу и Сыну и Святому Духу, ныне и присно и во веки веков.
Хор: Аминь.
Молитва иная:
Владыко Вседержителю, Господи Иисусе Христе, Боже наш и всякаго естества человеческаго Содетелю: ле,та измеря,яй живы,м и времена, уставля,яй сме,рти: настоя,щая потре,бне стро,яй и бу,дущая поле,зная управля,яй. В сей великий и спасительный день трехсотлетия града святаго Петра приими благодарения и славословия, Тебе приноси,мыя, бу,ди наде,жда всех конце,в земли, и су,щих в мо,ри дале,че, пода,ждь прему,дрость на,шим помышле,ниям, да,руй нам разум, осени, дела, на,ша страхом Твоим, обнови, во утробе нашей Дух правый и Духом Владычним мы,слей наших поползнове,ние утверди,, покры,й нас кровом крилу, Твое,ю, да не пре,зриши дел руку, Твое,ю.
Ныне молим Тя, Спасителю наш, предста,тельством Засту,пницы Усе,рдныя, Влады,чицы на,шея Богоро,дицы и Приснодевы Марии, свята,го первоверхо,внаго апостола Петра, святаго благовернаго великаго князя Александра Невскаго и всех святых, зде просиявших, град сей сохраняй, в Тебе бо сей утверждается, и Тобою побеждая, побеждает всякое искушение и пленяет супостаты, и устрояет владо,мыя.
Спаси и помилуй Великаго Господина и отца нашего Алекси,я, Святейшего Патриарха Московскаго и всея Руси, и Господина нашего Высокопреосвященнешего Владимира, Митрополита Санкт-Петербургскаго и Ладожскаго, богохранимую страну нашу Российскую и Президента ея, преосвященныя митрополиты, архиепископы и епископы и весь священнический и иноческий чин, градоначальников и военачальников и воинство наше, всех предстоящих и молящихся и вся православныя христианы. Защити и препояши нас силою Твоею на видимыя и невидимыя враги наша, воздвигни нас из глубины греховныя и избави нас от глада, губительства, труса, потопа, огня и меча, от нашествия иноплеменных и междоусобныя брани.
При,зри с высоты, святы,я Твоея, Господи, и на люди, живущия во граде сем и чающия еже от Тебе богатыя милости. Подаждь им и всем нам мир и здравие, посети нас благостию Твоею и утверди жизнь нашу святыми Твоими и священными законы. Тебе бо подобает всякая слава и честь, и поклонение со Безначальным твоим Отцем, и Всесвятым и Благим и Животворящим Твоим Духом, и ныне и присно и во веки веков. Аминь.
Диакон: Премудрость.
Священник: Пресвятая Богородице, спаси нас.
Хор: Честнейшую херувим и славнейшую без сравнения серафим, без истления Бога Слова рождшую, сущую Богородицу Тя величаем.
Священник: Слава Тебе, Христе Боже, упование наше, слава Тебе.
Хор: Слава... и ныне... Господи помилуй (трижды). Благослови.
Священник: Воскресый из мертвых, Христос истинный Бог наш, молитвами Пречистыя Своея Матере, святых славных и всехвальных апостол, святых первоверховных апостол Петра и Павла, святаго апостола Андрея Первозваннаго, святаго благовернаго великаго князя Александра Невскаго, святыя блаженныя матере нашея Ксении Петербургския, святаго праведнаго отца нашего Иоанна Кронштадтскаго, святых новомучеников и исповедников Петроградских, и всех святых, помилует и спасет нас, яко благ и человеколюбец.
Диакон: Благоденственное и мирное житие, здравие же и спасение, и во всем благое поспешение подаждь, Господи, Великому Господину и отцу нашему Алексию Святейшему Патриарху Московскому и всея Руси, и Господину нашему Высокопреосвященнейшему Владимиру, митрополиту Санкт-Петербургскому и Ладожскому, Свято-Троицкия Александро-Невския Лавры Священноархимандриту преосвященным митрополитом, архиепископом и епископом и сохрани их на многая лета.
Хор: Многая лета.
Диакон: Богохранимей стране нашей Российстей, Господину Президенту, властем, воинству и народу ея, многая лета.
Хор: Многая лета.
Диакон: Богоспасаемому граду Санкт-Петербургу и живущим в нем, предстоящим и молящимся, и всем православным христианом, многая лета.
Хор: Многая лета.
Конец и Богу слава!
ЗАУПОКОЙНАЯ ЛИТИЯ
Диакон: Благослови, владыко.
Священник: Благословен Бог наш, всегда, ныне и присно и во веки веков.
Хор: Аминь.
Христос воскресе из мертвых, смертию смерть поправ, и сущим во гробех живот даровав (трижды).
Чтец: Трисвятое по Отче наш.
Священник: Яко Твое есть Царство и сила и слава, Отца и Сына и Святаго Духа, ныне и присно и во веки веков.
Хор: Аминь.
Хор: Со духи праведных скончавшихся души раб Твоих, Спасе, упокой, сохраняя их во блаженной жизни, яже у Тебе, Человеколюбче.
В покоищи Твоем, Господи, идеже вси святии Твои упокоеваются, упокой и души раб Твоих, яко Един еси Человеколюбец.
Слава: Ты еси Бог, сошедый во ад и узы окованных разрешивый, Сам и души раб Твоих упокой.
И ныне: Едина Чистая и Непорочная Дево, Бога без семени рождшая, моли спастися душа нашим.
Диакон: Помилуй нас, Боже, по велицей Твоей милости, молим Ти ся, услыши и помилуй.
Хор: Господи, помилуй (трижды).
Диакон: Еще молимся о упокоении душ усопших рабов Божиих приснопамятных основателя града сего благовернаго Государя Императора Петра Великаго и всех преждепочивших государей императоров и императриц, преосвященных архипастырей и боголюбивых пастырей, праотец, отец, братий и сестер наших, вождей и воинов на поле брани живот свой положивших и в море погибших, во дни блокады скончавшихся, в смуту и годину испытаний Отечества нашего пострадавших и о еже проститися им всякому прегрешению, вольному же и невольному.
Хор: Господи, помилуй (трижды).
Диакон: Яко да Господь Бог учинит души их, идеже праведнии упокояются.
Хор: Господи, помилуй (трижды).
Диакон: Милости Божия, Царства Небеснаго, и оставления грехов их у Христа, безсмертнаго Царя и Бога нашего просим.
Хор: Подай, Господи.
Диакон: Господу помолимся.
Хор: Господи, помилуй.
Священник: Яко Ты еси воскресение, и живот и покой усопших раб Твоих приснопамятных основателя града сего благовернаго Государя Императора Петра Великаго и всех преждепочивших государей императоров и императриц, преосвященных архипастырей и боголюбивых пастырей, праотец, отец, братий и сестер наших, вождей и воинов на поле брани живот свой положивших и в море погибших, во дни блокады скончавшихся, в смуту и годину испытаний Отечества нашего пострадавших, Христе Боже наш, и Тебе славу возсылаем, со Безначальным Твоим Отцем и Пресвятым и благим и животворящим Твоим Духом, ныне и присно и во веки веков.
Хор: Аминь.
Со святыми упокой, Христе, души раб Твоих, идеже несть болезнь, ни печаль, ни воздыхание, но жизнь безконечная.
Аще и во Гроб снизшел еси, Безсмертне, но адову разрушил еси силу, и воскресл еси, яко Победитель, Христе Боже, женам мироносицам вещавый: радуйтеся! и Твоим апостолам мир даруяй, падшим подаяй воскресение.
Диакон: Премудрость.
Священник: Пресвятая Богородице, спаси нас.
Хор: Честнейшую херувим и славнейшую без сравнения серафим, без истления Бога Слова рождшую, сущую Богородицу Тя величаем.
Священник: Слава Тебе, Христе Боже, упование наше, слава Тебе.
Хор: Слава... и ныне... Господи помилуй (трижды). Благослови.
Священник:
Воскресый из мертвых, живыми и мертвыми обладаяй, Христос истинный Бог наш молитвами Пречистыя Своея Матере, святых славных и всехвальных апостол, преподобных и богоносных отец наших, и всех святых души от нас преставльшихся рабов своих: приснопамятных основателя града сего благовернаго Государя Императора Петра Великаго и всех преждепочивших государей императоров и императриц, преосвященных архипастырей и боголюбивых пастырей, праотец, отец, братий и сестер наших, вождей и воинов на поле брани живот свой положивших и в море погибших, во дни блокады скончавшихся, в смуту и годину испытаний Отечества нашего пострадавших и всех от века усопших православных христиан в селениих праведных учинит, в недрех Авраамлих упокоит, с праведными сопричтет и нас помилует и спасет, яко благ и человеколюбец.
Диакон: Во блаженном успении вечный покой подаждь, Господи, усопшим рабом Твоим приснопамятному основателю града сего благоверному Государю Императору Петру Великому и всем преждепочившим государем императорам и императрицам, преосвященным архипастырем и боголюбивым пастырем, праотцам, отцам, братиям и сестрам нашим, вождем и воином на поле брани живот свой положившим и в море погибшим, во дни блокады скончавшимся, в смуту и годину испытаний Отечества нашего пострадавшим, и сотвори им вечную память.
Хор: Вечная память (трижды).
Христос воскресе из мертвых, смертию смерть поправ, и сущим во гробех живот даровав (трижды).
И нам дарова живот вечный покланяемся Его тридневному воскресению.
